له‌ كردنه‌وه‌ی یاری گه‌ڕی 35ـی خوولی كالشیۆـی ئیتاڵی یانه‌ی ئه‌نته‌رناسیۆنالێ میوانداری یانه‌ی یانه‌ی ئاتالانتاـی كرد له‌سه‌ر یاریگای جۆزێپی میاتزا وه‌ توانی به‌ ئه‌نجامی سێ گۆڵ به‌رامبه‌ر یه‌ك گۆڵ سه‌ركه‌وتن به‌ده‌ست بهێنت و به‌ شێوه‌یه‌كی كاتی خۆی بگه‌ینێته‌ پله‌ی یه‌كه‌می ڕیزبه‌ندی گشتی،،،هه‌رچه‌نده‌ له‌ خووله‌كی پێنجه‌م یانه‌ی ئاتالانتا له‌ ڕێگه‌ی یاریزان سیمۆنی تیریێبوكی گۆڵی یه‌كه‌می تۆمار كرد به‌ڵام دواتر له‌ خووله‌كی 24ـدا ئه‌ستێره‌ی ئه‌رجه‌نتینی دیێگۆ میلیتۆ گۆڵی یه‌كسان بوونی تۆمار كرد و دوای ئه‌و به‌ ده‌ خووله‌ك یاریزان ماكدۆناڵد مارێگا گۆڵی دووه‌می یانه‌كه‌ی تۆمار كرد و زیاتر فشاریان خسته‌ سه‌ر یانه‌ی ئاتالانتا،وه‌ له‌ گێمی دووه‌مدا یانه‌ی ئه‌نته‌ر به‌ هێمنی یاری كرد و له‌ خووله‌كی 78ـدا یاریزان كریستیان كیێڤۆ گۆڵی سێیه‌می یانه‌كه‌ی تۆمار كرد و سێ خاڵی به‌خشیه‌ یانه‌كه‌ی،،،به‌م بردنه‌وه‌یه‌ش یانه‌ی ئه‌نته‌رناسیۆنالێ كۆی خاڵه‌كانی به‌رز كرده‌وه‌ بۆ 73 خاڵ و به‌ شێوه‌یه‌كی كاتی هاته‌ پله‌ی یه‌كه‌م كه‌چی یانه‌ی ئاتالانتا له‌ بازنه‌ی مه‌ترسی مایه‌وه‌ و به‌ كۆكردنه‌وه‌ی 34 خاڵ له‌ پله‌ی 18ـدا دێت.